عيد حب

 مر عيد الحب ولم يضف للعالم أى حب ..

وكالعادة وكأى يوم لا هو أجازة ولا كان ليه سابق إنذار ولكني فجأة وبدون أعذار لقيت الجو كله أحمر وإشي دباديب وإشي هدايا وإشي رسايل بتتوزع بين الأحباب.

وعشان أنا كالعادة مبحطش اليوم ده فى تقويمي وعشان انا مبعرفش إنو قرب وعشان مبهتمش وعشان مليش لسة حبيب وعشان كان ليا زمان  لكنى عمري ما اهتميت وعشان الحب مش يوم وعشان قبل ما نحتفل لازم نعرف القصة ولازم ندرس الحدوته.

ولأني فى عمري ما حسيت باليوم ده غير يوم، وقبل ما ندخل فى التفاصيل هقول سطرين هيجيبوا وراهم سطور تانية لكن ثانية أنا عايزك بس تركز اوى فى السطرين .

خلينا الأول نتكلم عن معنى الحب ومفهومة، وليه بنرمزله بالأحمر !؟ سؤال ، يمكن تختلف بيننا إجابته ويمكن لأ، ولكن الربط بين القصص عليه إجماع أن الحب أساسه تضحية واللون الأحمر أكبر تضحية ، إنك حبيت يعنى إنك مستعد تموت مقابل إن حبيبتك او حبيبك يتنفس نفس زيادة فى الدنيا. وكما يحكى وزي ما بيوصلنا إن القديس فالنتين إتقتل على إيد كلوديس الثانى فى يوم 14 فبراير وبغض النظر عن سبب موته الحقيقى اللى معنديش تأكيد عليه لكن أغلب القصص المكتوبة مرتبطة بتضحية سواء خالف الملك وأتم مراسم الزواج فى حين تجريم الزواج بقانون او حتى إتزوج من بنت كلوديس، أو حتى تودد وكتب أول بطاقة عيد حب لسجانته بعد ما سُجن لما أعلن إنه إتنصر .

المهم يا روميو يا اللي بتحتفل بالفلنتين، إنت مستعد تضحي ؟!

وعشان اليوم ده مهم لكل البنات وعشان مفضلش طول عمري سنجل :) انا هقول ليه مبهتمش ، انا مبهتمش لأن الحب مش مجرد يوم لأن الحب مش ذكرى لأن الحب مش منسي ومحتاج يوم يفكرنا بيه أو كلمة تحسسنا بوجوده ولأني زيي زي كتير عاجز عن وصفه، هستعين بأكتر المشاهد الي بحبها ..

"Love is always patient and kind. It is never jealous. Love is never boastful or conceited. It is never rude or selfish. It does not take offense and is not resentful. Love takes no pleasure in other people’s sins, but delights in the truth. It is always ready to excuse, to trust, to hope, and to endure whatever comes."          - Nicholas Sparks, A Walk to Remember

" Imprinting on someone is like...like when you see her, everything changes. All of a sudden it's not gravity holding you to the planet, it's her. Nothing else matters. You would do anything, be anything for her."                  - The Twilight Saga "Eclipse"

وعيد الحب الي انا عيشته بجد - منا قولت فوق فى الكام سطر اللى فاتوا إنى محسيتوش غير يوم او تقدر تقول كام يوم- كان فى 2011 في شهر فبراير ، كنا قبله ضحينا باللون الأحمر ودفعنا كتير وسال مننا دم يكفي يطهر كل الأرض كان عيد حب بطعم الإنتصار كان عيد حب بجد ، حب الحياة حب الوطن اللي ياما أخدنا بالأقلام بدل ما يضمنا فى حضنه ويحن لكنه بردو كان مغصوب ، حب الحرية الي دفعنا عشانها اغلى ما نملك أغلى ما جابت الأرض ماتوا دفاعا عن الحرية، ومن فيض الحب ومن كتره حبينا أعداءنا.

والخلاصة ..

عشان أحتفل مرة تانية بعيد الحب ، لازم يكون عندى الإستعداد إنى أضحى، وعشان موجود فا انا مستنى أحتفل تاني بعيد الحب الي يرجع حق اخواتنا والي يوقع نظام جلادنا والي يحقق تاني العدل ..

إلا أن يسقط النظام .. أو أجد الفتاة التي أضحي لأجلها ..