أستيقظت من يومى لا أدرى أهو الصباح أم المساء وكم الساعة الآن وفى أى يوم أكون !!
وتحقيقا لعنوان الموضوع فستجد التدوينة بلغة عشوائية فيها العامى وفيه "الفسحه" ايوه هيا بتاعت المدرسة
وتحقيقا لعنوان الموضوع فستجد التدوينة بلغة عشوائية فيها العامى وفيه "الفسحه" ايوه هيا بتاعت المدرسة
ولأن الناس شايفانى مختلف دايما فا تقويمى فى معرفة اليوم اللى احنا فيه اكيد هيكون مختلف وببساطة انا عندى ايام الاسبوع 4 ايام بس
ايوة اربع ايام بس تقدر تقول كده التقويم ده عامل زى الساعة الرملية بالظبط
الاسبوع عندى بيبدأ يوم التلات "الثلاثاء يعنى" وبعدين الأربع يتلوه الخميس ثم الجمعة نهاية الأسبوع ويبدأ الأسبوع من جديد مرة آخرى بس بيتغير اسم اليوم بدل تلات اربع خميس بمشيها سبت حد اتنين تقدر تقول عشان الملل مش معقولة يعنى انى اقضى طول عمرى من غير تغيير ده حتى التغيير سنة "القوم" معلش عديها أصل عندى برد .
بس يا سيدى وفى جمهورية مصر العشوائية بعرف النهاردة إيه أول ما المح يوم الجمعة اللى معلمه بصلاة الجمعة (الله يمسيك بالخير يا حمادة يا هلال أسلوب حياة والله )عشان كده هو يوم مميز وبدونه النظام بتاعى يبوظ.
ولأن كل شئ فى مصر عشوائى فا متضايقش يا اللى هتقرأ الكلام ده، ما انت عايش فى مصر !
عمرك اتضايقت من العشوائية اللى فى كل شئ ؟ عمرك اتضايقت من سواق راكن صف تانى إلا اذا كان هيعطلك ؟ عمرك اتضايفت من اللى بيرمى زبالة فى الشارع إلا لو كانت قدام بيتك ساعتها بيبقى يومه مش معدى !؟ عمرك اتضايقت من عسكرى المرور اللى بيكون سبب فى تعطيل المرور إلا اذا كنت فى الإتجاه المتعطل ؟ عمرك اتضايقت من الوسطة إلا اذا كانت ظالماك "طول مهى معاك بتبقى اشطة وشطارة" ؟!! طب عمرك وقفت فى اشارة مفيهاش لا عسكرى ولا تصوير ؟!
م الآخر كده عشان مطولش عليك وعشان الكلام هيبقى كتير وبصراحة يعنى انت عمرك اتضايقت م العشوائية ؟ وقبل ما تجاوب اسأل نفسك سؤال لو انت متضايق وانا متضايق وغيرى متضايق !!! ليه لسة اسمها جمهورية مصر العشوائية ؟
ولأنى بكتب بعشوائية فا خلص الكلام لحد هنا واللى هيعترض هخلى ملامح وشه عشوائية انا حتى مش فاكر الحاجة اللى كنت عايز اكتبها .
ومفيش تنسيق ولا ألوان كمان ولا فواصل ..
